Anqara Rossiyaning Su-34 samolyoti Turkiya havo chegarasini buzganligiga oid barcha materiallarni Moskvaga yetkazgan. Bu haqda Turkiya TIV matbuot kotibi Tanju Bilgich ma’lum qildi, deya xabar beradi “Korrespondent.net”.
“Turkiya mazkur hodisa haqidagi ma’lumotlarni yetkazmaganligi haqidagi da’volar mutlaqo asossiz. Chegara buzilishi sodir etilganidan so‘ng Rossiyaning Anqaradagi elchixonasi harbiy attashesi chaqirtirilib, unga barcha ma’lumotlar topshirilgan. Elchi esa havo chegarasining buzilishi salbiy oqibatlarga olib kelishi va buning uchun mas’uliyat Moskvaga yuklanishi haqida ogohlantirilgan. Imkoniyatdan foydalanib, yana bir bor o‘rtadagi keskinlikni muzokaralar yo‘li bilan bartaraf etishga chaqiramiz”, — deya ta’kidlagan Tanju Bilgich.
Eslatib o‘tamiz, oldinroq Rossiya TIV Turkiya tomonidan Su-34 havo chegarasini buzganligiga oid ma’lumotlar taqdim etilganini inkor etgandi.
Izoh (0)