4-fevral, payshanba kuni AQSh poytaxtidagi Washington Hilton mehmonxonasida bo‘lib o‘tadigan ibodatga yo‘g‘rilgan nonushtada Ukrainadagi turli siyosiy doiralarning 25 ga yaqin vakili ishtirok etadi. Bu haqda “Korrespondent.net” xabar bermoqda.
Nonushta ruhiy tusdagi tadbir maqomiga ega bo‘lgani uchun ukrainalik vakillarning ism-shariflari oshkor etilmagan. Oldingi yillardagi Obama bilan nonushtaga qiyos qilgan holda, unda Ukraina hukumati, muxolifat vakillari, deputatlar va diniy yetakchilar ishtirokini kutish mumkin.
Har yili bu tadbirga 100 dan ziyod mamlakatdan 3,5 minggacha bo‘lgan mehmon to‘planadi. Xavfsizlik nuqtai nazaridan, shuningdek, tadbir siyosatdan yiroq bo‘lgani uchun ularning ro‘yxati avval ham, keyin ham e’lon qilinmaydi. Odatda mehmonlar o‘rtasida AQSh prezidenti va taklif etilganlardan biri chiqish qiladi.
Izoh (0)