Таиландда бу мамлакат учун хос бўлмаган совуқ оқибатида уч кун мобайнида 21 киши нобуд бўлди. Бу ҳақда мамлакат ИИВ қошидаги табиат офатларидан огоҳлантириш маркази вакиллари маълум қилган, дея хабар беради «РИА Новости».
«Айни пайтга қадар 21 киши оламдан ўтгани тасдиқланди. Улар асосан ҳозирда совуқ ҳукм сураётган, кечки ҳарорат ноль ҳамда ундан паст даражага тушаётган шимолий ва шимоли-шарқий вилоятларда яшовчилардир. Афсуски, бу рақамлар якуний эмас», — дея таъкидлаган марказ раҳбарининг ўринбосари Васан Тхунмипханбун.
Совуқдан ўлганлар орасида нафақат кўпинча бундай фавқулодда ҳолатлар қурбони бўладиган кексалар, балки 30—40 ёш атрофидаги эркак ва аёллар ҳам борлиги айтилмоқда.
Изоҳ (0)