Yirtqichlar bilan ishlash kishidan mustahkam asab, jasorat va chidamni talab etadi. Buni avstraliyalik fotograf Metyu Smit yaxshi biladi: u gidrokostyumda, faqat kamera bilan qurollanib, Kubaning Xardines-de-la-Reyna (“Qirolicha bog‘lari”) arxipelagi yaqinidagi timsohlar to‘lib-toshgan suvlarga sho‘ng‘idi, deya hikoya qiladi TravelAsk.
“Fotoapparat tugmasini bosish lahzalari har doim ham esda qolavermaydi, ammo yirtqich bilan yuzma-yuz kelganim o‘sha bir necha soniyani yoddan chiqarmayman, — deya xotirlaydi Metyu. — Timsoh obyektivimdan atigi bir necha santimetr narida bo‘lgan payt shunday hushyor tortdimki, asti qo‘yaverasiz”.
Metyu Smit EPSON International Pano Awards 2015 tanlovida mehnati e’tirof etilgan 12 nafar avstraliyalikdan biri bo‘ldi: yirtqich bilan uchrashuv muhrlangan suratlar unga ikkinchi o‘rinni taqdim etdi.
Izoh (0)