Qatar poytaxti Doha shahrida davom etayotgan U-23 Osiyo chempionatida final ishtirokchilari ma’lum bo‘ldi. Shu bilan birga finalga yo‘l olgan ikki terma jamoa shu yilning avgust oyida Braziliyaning Rio-de-Janeyro shahrida o‘tkaziladigan yozgi Olimpiya o‘yinlari yo‘llanmasini ham qo‘lga kiritdi. Bu haqda “Olamsport” xabar bermoqda.
Dastlabki yarim final uchrashuvida Yaponiya olimpiyachilari O‘zbekistonni guruhda qoldirib ketgan jamoalardan biri Iroqni 2:1 hisobida mag‘lub etdi. Kunchiqar yurt vakillari g‘alaba to‘pini hakam tomonidan qo‘shib berilgan uchinchi daqiqada kiritdi.
Ikkinchi yarim final bahsida esa Yaponiya terma jamoasi musobaqa mezboni – Qatar olimpiyachilariga qarshi maydonga tushdi. Bu o‘yin taqdiri ham so‘nggi daqiqalarda hal bo‘ldi. Uchrashuvning 89 va 90-daqiqalarida Chang Hon Kvon va Chang Jin Mun tomonidan kiritilgan gollar Koreya terma jamoasini final va shu bilan birga Olimpiadaga olib chiqdi.
Yarim finalda mag‘lub bo‘lgan Iroq va Qatar terma jamoalari uchinchi yo‘llanma taqdirini o‘zaro o‘yinda hal qiladi.
U-23 Osiyo chempionati. Yarim final
Yaponiya – Iroq 2:1 (1:1)Gollar: Kubo 26, Xarakava 90+3 – Natiq 43Qatar – Janubiy Koreya 1:3 (0:0)Gollar: Ahmed Alaaeldin (79) – Seung Vu Ryu (49), Chang Hon Kvon (89), Chang Jin Mun (90).
Eslatib o‘tamiz, O‘zbekiston olimpiya terma jamoasi bosh murabbiyi Samvel Babayan turnirdan oldin “Guruhimizdagi jamoalardan biri albatta Olimpiadaga yo‘l oladi”, degandi.
Izoh (0)