“Match TV” sharhlovchisi Gennadiy Orlov yarim himoyachi Roman Shirokov haqida fikr bildirarkan, rossiyalik futbolchilarga Yevropada qiziqish qolmaganini aytib o‘tdi. Bu haqda “Uff.uz” xabar bermoqda.
“Shirokov erkin agent maqomida yuribdi, ammo u biror joyda o‘ynashi oson emas. Chunki uning tabiati ancha murakkab va har bir murabbiy uni taklif etish oldidan buni o‘ylab ko‘radi. Boz ustiga qaysi klub u talab qilganchalik katta pul berishi mumkin?
Shirokov tezroq biror klub topishi kerak. Ammo unga kim taklif bilan chiqarkin? Xorij klublarimi? Kim u bilan qiziqadi? Kokorin ‘Arsenal’ga o‘tishi haqida bir oy to‘xtamay gapirishdi, ammo londonliklar pinagini ham buzgani yo‘q.
Hozir vaziyat shundayki, rossiyalik futbolchilarga Yevropadan mutlaqo qiziqish yo‘q. Hatto ‘Latsio’ qiziqish bildirayotgan Vitaliy Denisov ham rossiyalik emas, balki O‘zbekiston terma jamoasi futbolchisi”, — deydi Orlov.
Oldinroq O‘zbekiston termasi himoyachisi Vitaliy Denisov borasida “Latsio” Moskvaning “Lokomotiv” klubi bilan muzokara boshlagani xabar qilingan edi.
Izoh (0)