Қатар пойтахти Доҳа шаҳрида давом этаётган U-23 Осиё чемпионатида финал иштирокчилари маълум бўлди. Шу билан бирга финалга йўл олган икки терма жамоа шу йилнинг август ойида Бразилиянинг Рио-де-Жанейро шаҳрида ўтказиладиган ёзги Олимпия ўйинлари йўлланмасини ҳам қўлга киритди. Бу ҳақда «Оламспорт» хабар бермоқда.
Дастлабки ярим финал учрашувида Япония олимпиячилари Ўзбекистонни гуруҳда қолдириб кетган жамоалардан бири Ироқни 2:1 ҳисобида мағлуб этди. Кунчиқар юрт вакиллари ғалаба тўпини ҳакам томонидан қўшиб берилган учинчи дақиқада киритди.
Иккинчи ярим финал баҳсида эса Япония терма жамоаси мусобақа мезбони – Қатар олимпиячиларига қарши майдонга тушди. Бу ўйин тақдири ҳам сўнгги дақиқаларда ҳал бўлди. Учрашувнинг 89 ва 90-дақиқаларида Чанг Ҳон Квон ва Чанг Жин Мун томонидан киритилган голлар Корея терма жамоасини финал ва шу билан бирга Олимпиадага олиб чиқди.
Ярим финалда мағлуб бўлган Ироқ ва Қатар терма жамоалари учинчи йўлланма тақдирини ўзаро ўйинда ҳал қилади.
U-23 Осиё чемпионати. Ярим финал
Япония – Ироқ 2:1 (1:1)Голлар: Кубо 26, Харакава 90+3 – Натиқ 43Қатар – Жанубий Корея 1:3 (0:0)Голлар: Аҳмед Алааэлдин (79) – Сеунг Ву Рю (49), Чанг Ҳон Квон (89), Чанг Жин Мун (90).
Эслатиб ўтамиз, Ўзбекистон олимпия терма жамоаси бош мураббийи Самвел Бабаян турнирдан олдин «Гуруҳимиздаги жамоалардан бири албатта Олимпиадага йўл олади», деганди.
Изоҳ (0)