Amsterdamda (Niderlandiya) geymerlar uchun mo‘ljallangan Yevropadagi ilk mehmonxona— The Arcade Hotel ochildi. Bu haqda TJournal xabar bermoqda.
Otel unda istiqomat qiluvchilar o‘zlarini mehmonxonada emas, qadrdon do‘stlarinikida tunayotgandek his etishlari uchun mo‘ljallangan. Mijozlar o‘z xonalaridan qadimgi o‘yin pristavkalari va to‘plamlarini topishlari mumkin, ulardan foydalanganlik uchun qo‘shimcha haq olinmaydi. Shuningdek, binoda kutubxona ham bo‘lib, bu yerda DC va Dark Horse nashriyotlarining retro-komikslarini o‘qisa bo‘ladi.
Bir kecha tunash narxi 38 dan 108 yevrogacha bo‘lgan mehmonxonada hozircha 36 ta nomer bor, biroq kelgusida ularning sonini 45 taga yetkazish, shuningdek, sport simulyatorlari va faytinglar uchun katta o‘yin xonasi qurish rejalashtirilgan.
Izoh (0)