O‘zbekiston Respublikasi Parvozlar xavfsizligini nazorat qilish davlat inspeksiyasi Yo‘lovchining havo kemasi ichidagi yurish-turish qoidalariga kiritilgan o‘zgartirishni izohladi, deb yozadi “Review.uz”.
Yangilangan qoidalarga ko‘ra, O‘zbekiston Milliy aviakompaniyasi samolyotlari yo‘lovchilariga yurish, ko‘tarilish va qo‘nish vaqtida fotosuratga va video tasvirga olish taqiqlangan edi.
Inspeksiya aniqlik kiritishicha, fotosurat va videotasvirlar fuqarolik aviatsiyasiga noqonuniy ravishda aralashuv bilan bog‘liq faoliyat (terrorizm va h.k.)da qo‘llanilishi mumkinligi, shuningdek, samolyot bortida turib, suratga olish mumkin bo‘lmagan obyektlarni rasmga tushirish mumkinligiga asoslanib, ushbu taqiq joriy etilgan.
Shu bilan birga, Davavianazorat ta’kidlashicha, O‘zbekiston laynerlari bortida parvoz chog‘ida turli elektron qurilmalardan foydalanishga ruxsat beriladi. Noutbuk, planshet, elektron kitoblar o‘qish uchun mo‘ljallangan qurilmalar, mobil o‘yin devayslari va boshqalar o‘z maqsadida qo‘llanilishi mumkin. Biroq ularni yurish, ko‘tarilish va qo‘nish vaqtida ishlatish, shuningdek, ulardan fotoapparat yoki videokamera sifatida foydalanish taqiqlanadi.
Izoh (0)