20-yanvarning muhim yangiliklari — “Daryo”ning kechki dayjestida.
1. Charsadda universitetiga uyushtirilgan hujum qurbonlari soni 25 nafarga yetdi. Pokiston shimoli-g‘arbidagi universitetga amalga oshirilgan hujum tafsilotlari — alohida xabarlar oqimida.
2. AQShda O‘zbekiston—AQSh siyosiy maslahatlashuvlarining oltinchi raundi o‘tkazildi. Xalqaro muammolarni muhokama qilish doirasida Afg‘onistondagi vaziyat rivojiga hamda mintaqaviy masalalarga alohida e’tibor qaratildi.
3. Nukusdagi iliq havo 1986-yilgi rekordni yangiladi. 21-yanvar kuni esa Qashqadaryo va Surxondaryoda havo harorati +20 darajagacha ko‘tarilishi haqida axborot berildi, dov-daraxtlar esa gullashni boshlamoqda.
4. Rossiyada dollarning birja kursi mutlaq yangi rekordni o‘rnatdi. Rossiya prezidenti Putinning aytishicha, rublning qadrsizlanishi “yangi imkoniyatlar” eshigini ochadi.
5. Samvel Babayan: Muxlislar oldida o‘z sha’nimizni tiklashimiz lozim edi. Babayanning so‘zlariga ko‘ra, Janubiy Koreya va Iroqqa qarshi o‘yinlardagi mag‘lubiyatlar “tasodif, asossiz va adolatsiz”.
Izoh (0)