Rossiyada gripp asoratlaridan yil boshidan beri 27 kishi hayotdan ko‘z yumdi. Bu haqda mamlakat sog‘liqni saqlash vazirining o‘rinbosari Tatyana Yakovlyeva ma’lum qildi, deya xabar beradi “TASS”.
“18-yanvar holatiga gripp tufayli nobud bo‘lganlar soni 27 kishini tashkil etmoqda. Ular, asosan, xavf guruhida bo‘lganlar, emlanmaganlar, shuningdek, shifokorga kech murojaat etganlardan iborat. Xastalikdan vafot etganlarning ko‘pchiligi Sankt-Peterburgda istiqomat qilgan”, — deya ta’kidlagan Yakovlyeva.
Vazir o‘rinbosarining aytishicha, hozirgi kunda Rossiyada, asosan, cho‘chqa grippi virusi kuzatilmoqda.
Izoh (0)