Россияда грипп асоратларидан йил бошидан бери 27 киши ҳаётдан кўз юмди. Бу ҳақда мамлакат соғлиқни сақлаш вазирининг ўринбосари Татьяна Яковлева маълум қилди, дея хабар беради «ТАСС».
«18 январь ҳолатига грипп туфайли нобуд бўлганлар сони 27 кишини ташкил этмоқда. Улар, асосан, хавф гуруҳида бўлганлар, эмланмаганлар, шунингдек, шифокорга кеч мурожаат этганлардан иборат. Хасталикдан вафот этганларнинг кўпчилиги Санкт-Петербургда истиқомат қилган», — дея таъкидлаган Яковлева.
Вазир ўринбосарининг айтишича, ҳозирги кунда Россияда, асосан, чўчқа гриппи вируси кузатилмоқда.
Изоҳ (0)