Janubiy Koreyaning Qizil Xoch jamiyati Pxenyan tomonidan o‘tkazilgan yadro sinovidan so‘ng, KXDR bilan o‘zaro aloqalarni to‘xtatdi. Bu haqda tashkilot tomonidan 20-yanvar, chorshanba kuni tarqatilgan xabarda ma’lum qilingan, deya xabar beradi “TASS”.
Oldinroq Qizil Xoch Janubiy Koreyadagi bo‘lingan oilalar a’zolaridan Shimolda yashovchi qarindoshlariga 10 mingga yaqin videomurojaat tayyorlab qo‘ygandi, biroq yadro sinovi tufayli yuzaga kelgan murakkabliklar sabab ular qo‘shni tarafga yetkazib berilmagan. Bundan tashqari, avval Seul va Pxenyan almashish dasturlarida ishtirok etishga tayyor bo‘lgan oilalar a’zolari ro‘yxatini o‘zaro ayirboshlashni ham rejalashtirgan, biroq bu jarayon ham to‘xtatib qo‘yildi.
Izoh (0)