Kanadaning Monreal shahridagi Xalqaro avtosalon doirasida General Motors kompaniyasi Chevrolet brendining yangi Spark, Cruze, Malibu va Camaro modellari qatorida 2013-yildan beri ishlab chiqarilayotgan Chevrolet Spark EV avtomobilini ham namoyish etdi.
Facebook’dagi “Voditeli Tashkenta” guruhi a’zosining ma’lum qilishicha, ko‘rgazma stendlarida mazkur avtomobil 25 944 Kanada dollari (taxminan 17 981 AQSh dollari)ga sotilayotgani ko‘rsatib o‘tilgan.
Chevrolet Spark EV’ning tashqi ko‘rinishi ayni vaqtda O‘zbekistonda yig‘ilayotgan Spark’niki bilan bir xil bo‘lib, unda ichki yonuv dvigateli yo‘q — avtomobil faqat elektromotor bilan harakatga keltiriladi.
130 ot kuchiga ega mashina 8 soniyada soatiga 100 kilometrlik tezlikka erisha oladi. Avtomobil batareyalari 7 soatda to‘liq quvvatlantiriladi. Bir marta to‘liq quvvatlantirilganidan so‘ng, avtomobil 100 kilometr yo‘l bosa oladi.
Izoh (0)