Канаданинг Монреаль шаҳридаги Халқаро автосалон доирасида General Motors компанияси Chevrolet брендининг янги Spark, Cruze, Malibu ва Camaro моделлари қаторида 2013 йилдан бери ишлаб чиқарилаётган Chevrolet Spark EV автомобилини ҳам намойиш этди.
Facebook’даги «Водители Ташкента» гуруҳи аъзосининг маълум қилишича, кўргазма стендларида мазкур автомобиль 25 944 Канада доллари (тахминан 17 981 АҚШ доллари)га сотилаётгани кўрсатиб ўтилган.
Chevrolet Spark EV’нинг ташқи кўриниши айни вақтда Ўзбекистонда йиғилаётган Spark’ники билан бир хил бўлиб, унда ички ёнув двигатели йўқ — автомобиль фақат электромотор билан ҳаракатга келтирилади.
130 от кучига эга машина 8 сонияда соатига 100 километрлик тезликка эриша олади. Автомобиль батареялари 7 соатда тўлиқ қувватлантирилади. Бир марта тўлиқ қувватлантирилганидан сўнг, автомобиль 100 километр йўл боса олади.
Изоҳ (0)