Chevrolet Deytrotdda (AQSh) o‘z ishini boshlagan avtosalonda Bolt EV elektromobilini namoyish etdi. Ixcham xetchbek taqdimoti oldinroq CES iste’mol elektronikasi ko‘rgazmasida bo‘lib o‘tgan, biroq uning texnik xususiyatlari endi ma’lum bo‘ldi, deya xabar beradi Motor.
200 ot kuchiga ega elektr dvigatel ko‘magida avtomobilga soatiga 96 kilometr tezlikka 7 soniyada chiqadi, eng yuqori tezligi esa soatiga 146 kilometrga teng. Motor quvvatlanishsiz 320 kilometr masofa bosish imkonini beradigan, sig‘imi 60 kilovatt-soat bo‘lgan litiy-ionli batareyalar to‘plamidan quvvat oladi. Akkumulyatorlarni to‘ldirish 240 volt tok beradigan rozetkaga ulanadigan 7,2 kilovattli qurilma orqali amalga oshiriladi.
Ikki soat davomida batareyalar 80 kilometr yo‘lga yetadigan energiya zaxirasini oladi. Qo‘shimcha to‘lov evaziga yarim soat davomida 145 kilometr yo‘l yurishga yetadigan energiya bilan ta’minlaydigan tez quvvatlantirish tizimini buyurtma qilish mumkin.
Izoh (0)