Antarktida muzlari ostida Yer yuzidagi eng uzun kanyon topildi. Bu haqda Geology jurnaliga tayanib, “Korrespondent.net” xabar bermoqda.
Kanyonni sun’iy yo‘ldoshdan olingan tasvirlarni o‘rganish orqali ochishdi. Uning ko‘rinishini georadiolokatsiya orqali aniqlashdi. Yangi ixtiro Sharqiy Antarktidadagi Malika Yelizaveta Yerida joylashgan.
Geologlar kanyon suv tufayli paydo bo‘lgan, deb hisoblamoqda. Biroq u Antarktidaning muzli qalqoni yaralguncha paydo bo‘lganmi yoki muz ostidagi suvning harakati tufaylimi, bu hozircha aniq emas.
Bundan tashqari, kanyon ilgari noma’lum bo‘lgan, maydoni 1250 kvadrat kilometrga teng muz ostidagi ko‘l bilan bog‘langan bo‘lishi mumkin.
Ma’lumot uchun, hozirgacha sayyoradagi eng katta kanyon deb Grenlandiyada muz ostida joylashgan Katta kanyon hisoblanar edi. Uning uzunligi 750 kilometr, chuqurligi esa 800 metrga teng.
Izoh (0)