Антарктида музлари остида Ер юзидаги энг узун каньон топилди. Бу ҳақда Geology журналига таяниб, «Корреспондент.net» хабар бермоқда.
Каньонни сунъий йўлдошдан олинган тасвирларни ўрганиш орқали очишди. Унинг кўринишини георадиолокация орқали аниқлашди. Янги ихтиро Шарқий Антарктидадаги Малика Елизавета Ерида жойлашган.
Геологлар каньон сув туфайли пайдо бўлган, деб ҳисобламоқда. Бироқ у Антарктиданинг музли қалқони яралгунча пайдо бўлганми ёки муз остидаги сувнинг ҳаракати туфайлими, бу ҳозирча аниқ эмас.
Бундан ташқари, каньон илгари номаълум бўлган, майдони 1250 квадрат километрга тенг муз остидаги кўл билан боғланган бўлиши мумкин.
Маълумот учун, ҳозиргача сайёрадаги энг катта каньон деб Гренландияда муз остида жойлашган Катта каньон ҳисобланар эди. Унинг узунлиги 750 километр, чуқурлиги эса 800 метрга тенг.
Изоҳ (0)