Qozog‘istonda majlisning uchta fraksiyasi vakillari prezidentdan parlamentning ushbu palatasini muddatidan avval tarqatib yuborishni so‘radi, deya xabar bermoqda “Vedomosti”.
Tashabbus mualliflari fikricha, majlisning hozirgi tarkibi “Millat rejasi qonunchilik bazasini yaratib, o‘z tarixiy missiyasini bajarib bo‘ldi”. Shuningdek, prezident ko‘zda tutgan beshta konstitutsiyaviy islohot bo‘yicha yo‘l xaritalari ishlab chiqildi.
Islohotlarni amalga oshirish bo‘yicha harakatlarni sinxronlashtirish uchun deputatlar parlament va mahalliy saylovlarni birlashtirishni taklif qilmoqda. Shu bilan birga, bu saylov siklini cho‘zmaslik va saylovlarga sarflanadigan byudjet xarajatlarini qisqartirish imkonini beradi.
Nashr eslatishicha, beshinchi chaqiriq majlis vakolati 2016-yil kuzida tugaydi.
Izoh (0)