O‘zbekiston bo‘ylab havo harorati 14-yanvar kuni +11...+15 daraja iliq bo‘lishi kutilmoqda. Bu haqda “O‘zgidromet” markazi axborot berdi.
14-yanvarga o‘tar kechasi havo harorati tog‘li hududlarda -10 darajagacha, Qoraqalpog‘iston Respublikasi va Xorazm viloyatida -2 darajagacha sovishi mumkin, qolgan hududlarda 0...+7 daraja iliq oralig‘ida bo‘ladi.
Xabar berishlaricha, 14-yanvar kuni kunduzi Qoraqalpog‘iston Respublikasi, Xorazm viloyati va Toshkent shahrida +11 darajagacha, Farg‘ona vodiysi viloyatlarida esa +12 darajagacha iliq bo‘lishi kutilmoqda.
Toshkent, Sirdaryo, Jizzax va Samarqand viloyatlarida havo harorati +13 darajagacha, Buxoro, Navoiy, Surxondaryo va Qashqadaryo viloyatlarida esa +15 darajagacha ko‘tarilishi mumkin.
O‘zbekistonning barcha hududlarida tuman tushishi mumkin. Tog‘li hududlarda qor ko‘chishi xavfi bor.
Izoh (0)