12-yanvarning muhim yangiliklari — “Daryo”ning kechki dayjestida.
1. Toshkent chorrahalaridagi kameralar yo‘llarda YHXBB nazoratchilari soni kamayishiga sabab bo‘lmaydi. Aytishlaricha, shahar ko‘chalaridagi haydovchilarni kuzatadigan kameralar ham ishlay boshlagan (faqat sinov tartibida).
2. Istanbulning markaziy qismida yuz bergan portlashda 10 kishi halok bo‘ldi. Taxminlarga ko‘ra, teraktni uyushtirgan shaxs suriyalik bo‘lishi mumkin.
3. Putin Asad Suriyadagi nizolar chog‘ida xatoliklarga yo‘l qo‘yganini tan oldi. “Prezident Asad ushbu nizo chog‘ida ko‘plab xatolarga yo‘l qo‘yganiga ishonaman”, — dedi Rossiya prezidenti.
4. “Toshshahartransxizmat” shahar avtobuslari harakatini smartfonda kuzatish imkonini beruvchi loyihani to‘xtatishga qaror qildi. Keyinroq smartfon uchun mobil dasturni tayyorlagan kompaniya alohida izoh, “Toshshahartransxizmat” esa alohida raddiya berdi (lekin mobil dastur 14-yanvardan yangilanmasligi deyarli aniq).
5. Ravshan Ermatov O‘zbekiston olimpiya terma jamoasi har qanday raqibni mag‘lub eta olishiga ishonadi. Ertadan o‘zbekistonlik futbolchilar Olimpiada yo‘llanmasi uchun kurashga kirishadi. Termaning birinchi raqibi va hakami ma’lum.
Ucell abonentlari uchun bonus — Ucell abonentlari “Daryo”ni o‘qishda trafik yo‘qotmaydi!
Izoh (0)