2016-yil 1-yanvardan boshlab O‘zbekiston Respublikasi fuqarolari Rossiya Federatsiyasi hududidan chiqishi uchun faqat biometrik pasport asos bo‘lib xizmat qiladi. Bu haqda “O‘zbekiston havo yo‘llari” Milliy aviakompaniyasi saytida ma’lum qilingan.
Ta’kidlanishicha, Rossiya Federatsiyasi chegara xizmati O‘zbekiston fuqarolarini eski namunadagi pasport bilan aeroport, dengiz porti, temiryo‘l yoki avtomobil transporti orqali chegaradan o‘tishiga yo‘l qo‘ymaydi. Agar fuqaro bunga harakat qilsa, reysdan olib qolinadi va jarimaga tortiladi.
Shu munosabat bilan “O‘zbekiston havo yo‘llari” MAK Rossiya hududidan aviakompaniya reyslariga chiptalar sotuvi faqat biometrik pasportlar asosida amalga oshirilishi, eski namunadagi pasport egalariga chipta sotish man etilgani to‘g‘risida ogohlantirgan.
Izoh (0)