Қримнинг Боғчасарой туманида ноёб Кумуш оқимлар шаршараси ўпирилиб тушди. Бу ҳақда «РБК» хабар бермоқда.
Бу хабарни Қрим Экология ва табиий ресурслар вазирлиги ходимлари тасдиқлади. Шаршаранинг бир қисми совуқ ва сувнинг таъсири туфайли қулаб тушди.
Қрим федерал университетининг География факультети доценти Сергей Киселёв шаршара ўзининг чиройини буткул йўқотганини айтиб ўтди. «Бу ҳодисага файласуфона ёндашиш керак, Кумуш оқимлар илгари ҳам ўз тарихида бир неча марта ўпирилган. Аммо шуни аниқ айтиш мумкинки, шаршарага ўзига хос чирой бериб турган кўриниши бошқа тикланмайди», — деди у.
Изоҳ (0)