Alisher Usmonov 2015-yilda futbol bo‘yicha Rossiya terma jamoasining bosh homiysiga aylandi, deb yozadi Forbes. U maoshi Rossiya futbol ittifoqi uchun og‘irlik qilgan italiyalik murabbiy bilan ketma-ket muvaffaqiyatsizliklarga uchrayotgan terma jamoani qutqarib qoldi.
Usmonov taqdim etgan kredit Fabio Kapelloning maoshi bo‘yicha qarzlarni yopish, shuningdek, u bilan shartnoma bekor qilingani uchun tovon puli to‘lashga ham yetdi.
“Muzokaralar chog‘ida hech qanday qiyinchiliklar yuzaga kelmadi, — dedi Rossiya sport vaziri Vitaliy Mutko nashrga bergan intervyusida. — Usmonov bilan bir soat ichida kelishib oldik”.
Eslatib o‘tamiz, o‘tgan yil fevralida Usmonov Rossiya futbol ittifoqiga terma jamoa bosh murabbiyi oldidagi maosh bo‘yicha qarzni qoplash uchun 400 million rubl ajratdi. Iyun oyida tadbirkor italiyalik oldidagi moliyaviy majburiyatlarni bajarish uchun tashkilotga yana 300 million rubl taqdim etdi.
Avgust oyida esa Usmonov Rossiya futbol ittifoqiga ajratgan beg‘araz moliyaviy yordamning umumiy miqdori 1 milliard rublga yetgani xabar berildi.
Izoh (0)