2016-yilda o‘zlashtiriladigan 4 mlrd dollar, Alyaskaga uchgan “Havo yo‘llari”, Termiz tarixidagi eng issiq qish kuni va kunning boshqa muhim yangiliklari

11-yanvarning muhim yangiliklari — “Daryo”ning kechki dayjestida.

1. O‘zbekiston 2016-yilda 4 mlrd dollarlik xorijiy investitsiyalarni o‘zlashtiradi. Eng qiziqarli investitsiya loyihalaridan biri, albatta, “Angren — Pop” temiryo‘lidir.

2. Sinoptiklar Termizda oxirgi 32 yil ichidagi eng issiq qish kunini qayd etdi. Ha, qishga o‘xshamagan qish bo‘lyapti. Avvalroq olimlarimiz buning sababini tushuntirib bergani haqida xabar bergandik. Aytishlaricha, seshanba kuni Toshkentda va vodiyda yomg‘ir yog‘adi.

3. “O‘zbekiston havo yo‘llari” Alyaskaga birinchi charter dasturini amalga oshirdi. Dahshat reys: “Toshkent — Osaka — Tokio — Nagoya — Ferbenks — Toshkent”. Bunaqasi tarixda birinchi marta bo‘lishi!

4. Samvel Babayan: Guruhimizdagi jamoalardan biri albatta Olimpiadaga yo‘l oladi. Ertaga, 12-yanvar kuni Qatarda futbol bo‘yicha olimpiya terma jamoalari o‘rtasidagi Osiyo chempionati boshlanadi. O‘zbekistonning guruhida Janubiy Koreya, Iroq va Yaman bor.

5. Avtomobillar atrofidagi yangiliklar: Samarqandda Cobalt’larni BMW’ga aylantirishyapti, Toshkentda esa xonanda Kanizaning Porsche Cayenne’nini tunab ketishdi.

Bonus: To‘yonani plastik kartadan bersa bo‘ladimi? Albatta!