Toshkent shahri, Farg‘ona vodiysi viloyatlari — Andijon, Namangan va Farg‘ona, shuningdek, Toshkent viloyatining ayrim tumanlarida 12-yanvar kuni kechasi biroz yomg‘ir yog‘ishi mumkin. “O‘zgidromet” markazi axborotiga ko‘ra, shu kuni O‘zbekistonning tog‘li hududlarida ham yog‘ingarchilik bo‘ladi.
Mamlakatning qolgan hududlarida havo o‘zgarib turadi, biroq yog‘ingarchilik kutilmaydi. Deyarli barcha viloyatlarda tuman kuzatilishi mumkin. Shamol butun O‘zbekiston bo‘ylab soniyasiga 7—12 metr tezlikda esishi kutilmoqda.
Havo harorati 12-yanvarga o‘tar kechasi tog‘li hududlarda -7 darajagacha, Qoraqalpog‘iston Respublikasi va Xorazm viloyatida -5 darajagacha, Toshkent shahridan boshqa qolgan hududlarda -2 darajagacha sovishi mumkin. 12-yanvar kuni kunduzi esa O‘zbekiston bo‘ylab havo harorati +2...+15 daraja iliq oralig‘ida bo‘lishi kutilmoqda.
Izoh (0)