Kelvin B. Stivenson boshchiligidagi astronomlar jamoasi neptunsimon HAT-P-26b ekzosayyorasi atmosferasida suv bug‘ining izlarini aniqladi. Bu haqda “Korrespondent.net” xabar beradi.
Olimlar bu sayyoraning atmosferasida suv bug‘i bor, biroq kaliy yo‘q, degan xulosaga keldi. HAT-P-26b sayyorasining massasi Neptunning massasiga teng, u Yerdan 437 yorug‘lik yili masofada joylashgan va o‘z yulduzi atrofida 4,23 kunda aylanib chiqadi.
Hisob-kitoblarga ko‘ra, sayyora massasining yarmini og‘ir yadro, ikkinchi yarmini vodorod-geliyli atmosfera tashkil qiladi.
Eslatib o‘tamiz, 2015-yilning 31-iyulida olimlar Yerga eng yaqin joylashgan yersimon ekzosayyorani aniqlagani ma’lum qilingandi. Kassiopeya yulduzlar turkumidagi HD 219134b sayyorasi Quyoshdan 21 yorug‘lik yili masofasida joylashgan.
Izoh (0)