Hindistondagi zilzila qurbonlari soni olti kishiga yetdi, yana 100 dan ortiq kishi jabrlandi, deya xabar bermoqda “TASS”.
Ta’kidlanishicha, Hindiston bosh vaziri Narendra Modi jabr ko‘rgan tumanlarga tabiiy ofatlarga qarshi kurashish bo‘yicha tezkor bo‘linmalarni yuborishni buyurdi.
Yer silkinishi 4-yanvar kuni 04:40 (Toshkent vaqti bilan 04:10)da sodir bo‘ldi, uning epitsentri sharqiy Manipur shtatidagi Tamenglong okrugida, zilzila o‘chog‘i esa 10 km chuqurlikda joylashdi.
Yevropa-O‘rtayer dengizi seysmologiya markazi ma’lumotlariga ko‘ra, zilzila magnitudasi 6,9 ga teng bo‘ldi.
Izoh (0)