Pyotr Poroshenkoning Twitter’iga The Economist jurnalining maxsus soni muqovasi joylandi, unda Ukraina prezidenti birinchi qatorda aks etgan, deb yozadi “Korrespondent.net”.
“Ba’zi sovg‘alarni xushomad emas, shaxsiy mas’uliyat sifatida qabul qilaman”, — deya izohladi Poroshenko suratni, biroq rasm bir necha soatdan so‘ng o‘chirildi.
Ijtimoiy tarmoq foydalanuvchilari ta’kidlashicha, asl muqovada Poroshenko emas, Putin tasvirlangan.
Shuningdek, jurnalning Poroshenko e’lon qilgan versiyasida 2017-yil ko‘rsatilgan bo‘lsa, The Economist saytida 2016-yil qayd etilgan.
Ba’zi Twitter foydalanuvchilari ushbu hodisani ataylab qilingan feyk emas, balki 2017-yilda vaziyat o‘zgarishi: Vladimir Putin dunyo kun tartibidan “yo‘qolib”, o‘rnini ukrainalik hamkasbiga bo‘shatib berishiga nozik shama deb bilmoqda.
Izoh (0)