Argentina bahsli Folklend orollariga bo‘lgan suvereniteti qayta tiklanishiga intilishda davom etadi. Bu haqda 3-yanvar kuni Argentina tashqi ishlar vazirligi orolga Britaniya qo‘shinlari tushirilganiga 183 yil to‘lishiga bag‘ishlangan bayonotida ma’lum qildi, deb yozadi “RIA Novosti”.
“Bugun, davom etayotgan istiloga 183 yil to‘lganida, Argentina xalqi va hukumati Malvina orollari, Janubiy Georgiya, Janubiy Sandvich orollari va tutash dengiz hududlari ustidan suvereniteti uchun bo‘lgan huquqlari haqida e’lon qiladi”, — deyiladi bayonotda.
Unda ta’kidlanishicha, talash orollar ustidan nazoratni qayta tiklash “davlat siyosati bo‘lib, Argentinaning barcha fuqarolari istaklariga mos tushadi”.
Folklend yoki, argentinaliklar atagani kabi Malvina, orollari Argentina va Buyuk Britaniya o‘rtasidagi azaliy bahs mavzusidir, u 1982-yilda qurolli nizoni keltirib chiqargan. Argentina Britaniya 1833-yildan buyon nazorat qilib keladigan orollarda kuch bilan o‘rnashib olishga harakat qildi. 72 kunlik urushda Britaniya g‘alaba qozondi.
Izoh (0)