Amerikalik mashhur qo‘shiqchi Kris Braun Nevada shtati Las-Vegas shahridagi ziyofat kechasida uni suratga tushirgan ayolni do‘pposladi, deya xabar bermoqda “TASS”.
Huquqni himoya qilish organlari xodimlari hodisadan xabar topgan va tekshiruv ishlarini boshlagan. Agar ushbu ma’lumot tasdiqlansa, 26 yoshli qo‘shiqchi kuch bilan haqorat qilish yoki kaltaklashda ayblanishi mumkin.
Jabrlangan ayol — Lizyen Gutyerres Braun ijaraga olgan apartamentlarda uyushtirilgan yopiq ziyofatga fotokamerali mobil telefonini olib kirgan va mezbonni suratga olgan. Buni sezib qolgan qo‘shiqchining jahli chiqqan va ayolga baqirib, uning yuziga musht tushirgan. Ayol bu haqda politsiyaga xabar bergan.
Braunning rasmiy vakillari jurnalistlarga ayolning qo‘shiqchiga nisbatan ayblovlari “shubhasiz haqiqatga to‘g‘ri kelmasligi”ni aytdi.
Izoh (0)