Yosh ijodkor Kamillaning “Illyuziya” deb nomlangan taronasiga ishlangan videoklip YouTube’dagi mashhur kanalning efiridan joy oldi. Bu haqda Kamillaning o‘zi Facebook’dagi sahifasida xabar berdi.
Shu kunlarda MY5 telekanalida o‘zbek tilidagi “Meni sevmaganday” qo‘shig‘i uchun ishlangan klipni kuzatish imkoni bor.
27-dekabr kuni esa ushbu 3D formatidagi to‘liq animatsion klipning rus tilidagi nusxasining ilk namoyishi xalqaro ELLO kanalida bo‘lib o‘tdi.
Avval xabar berilganidek, klip Pomidor entertainment prodyusserlik markazi tomonidan tayyorlangan. Klipni tayyorlash jarayoni 3 oy davom etgan.
Klipdagi bosh qahramon Kamillaning o‘zidan chizib olingan.
Kamilla — yosh, iste’dodli xonanda. Ijodini 4 yoshidan Toshkentdagi “Alladin” estrada guruhidagi ilk chiqishlaridan boshlagan. 2009-yil fortepiano yo‘nalishi bo‘yicha musiqiy maktabni a’lo baholar bilan tamomlab, Estrada va sirk kollejining “Estrada vokali” yo‘nalishiga o‘qishga kirgan.
2012-yil esa O‘zbekiston san’at va madaniyat institutining talabasi bo‘lgan. 2015-yil Pomidor entertainment prodyuserlik markazi bilan shartnoma imzolab, bugungi kunda Kamilla taxallusi ostida ijod qilmoqda.
ELLO – dunyodagi 50 ta eng mashhur YouTube kanallaridan biri. Ushbu kanal jahon estradasining yorqin yulduzlarining sifatli kliplarini tomosha qilishga imkon beradi.
Klipni YouTube’dagi ELLO kanalida tomosha qilish uchun quyidagi havolaga o‘ting: https://www.youtube.com/watch?v=NgIBjbpnHLM
Reklama huquqi asosida
Izoh (0)