Qrim yoqilg‘i va energetika vaziri Svetlana Borodulina uyida elektr plitkalari o‘rnatilgan yarimorol fuqarolaridan Yangi yil dasturxoniga taom tayyorlashni kechga qoldirmaslikni so‘radi. Bu haqda Meduza xabar bermoqda.
Shuningdek, Borodulina kech kirguncha akkumulyatorlarni quvvatlantirish, ayollarga esa soch turmaklashni amallab olishni tavsiya qilgan. Vazir buni Qrim kunduzgi payt quyosh va shamol energiyasiga umid qilishi mumkinligi bilan izohlagan.
Eslatib o‘tamiz, oldinroq Ukraina Qrimni Kaxovskaya—Titan liniyasi orqali elektr bilan ta’minlashni to‘xtatgani, buning oqibatida yarimorolning shimoliy va shimoli-g‘arbiy hududlari, shuningdek, Yevpatoriya va Saki shaharlari elektr energiyasisiz qolgani haqida xabar berilgandi.
Izoh (0)