Afg‘oniston prezidenti Ashraf G‘ani Ahmadzay kelgusi yili parlament saylovlari o‘tkazilishini va’da qildi. Davlat rahbari bayonotida ma’lum qilinishicha, saylovlar 2016-yil yozidan kuzigacha bo‘lgan muddatda bo‘lib o‘tadi, aniq sana mustaqil saylov komissiyasi tomonidan belgilanadi, deya xabar beradi “TASS”.
Hozirgi parlamentning besh yillik vakolat muddati 22-iyunda oxiriga yetgan, biroq aprel oyida o‘tkazilishi lozim bo‘lgan saylovlar bekor qilingandi. Bunga xavfsizlik bilan bog‘liq muammolar, shuningdek, saylovlar va ularning yakunlarini ko‘rib chiqish jarayoni adolatli ruhda o‘tishi yuzasidan bahslar sabab bo‘lgandi. Shundan so‘ng prezident qonun chiqaruvchi organ vakolatlari muddatini parlamentning yangi tarkibi saylangunicha uzaytiruvchi farmonga imzo chekdi.
Izoh (0)