Estoniyaning Xaryusk uyezd sudi Estonian Air milliy aviakompaniyasini bankrot deb topdi. 220 dan ziyod kreditor aviakompaniyadan 113,5 million yevro talab qilmoqda, kompaniya mol-mulki esa 11,4 million yevro deb baholangan, deya xabar beradi “Vedomosti”.
Estonian Air 2006-yildan beri moliyaviy muammolarga duch kelmoqda. Mamlakat hukumati 2008-yildan to 2014-yilgacha kompaniyaga yordam berib kelgan. Yevrokomissiya buni raqobat qoidalari va Yevroittifoqda aviatashish bozori talablarining buzilishi deb topdi hamda moliyaviy ko‘makni qaytarishni talab etdi.
Estonian Air hukumatga 85 million yevro va unga qo‘shimcha foizlarni qaytara olmagach, Yevrokomissiya 7-noyabrdan boshlab aviatashuvchi faoliyatini to‘xtatishga qaror qildi.
Izoh (0)