2015 йилда овқатга пули етмаган ва овқатга пули етарли, бироқ кийим олишга маблағи етарли бўлмаган Россиядаги оилалар сони деярли икки баробарга ўсди — 22 фоиздан 39 фоизга. Бу ҳақда Жамоатчилик фикрини ўрганиш Бутунроссия маркази маълумотларига таяниб, «РБК» хабар бермоқда.
Ўтган йилга қадар Россиядаги камбағал оилалар сони фақат камайиб келаётганди. 2005 йилда бундай оилалар 49 фоизни ташкил қилган бўлса, 2009 йилга келиб уларнинг сони 39 фоизга тушганди. 2014 йилнинг охирига келиб камбағал оилалар улуши яна 17 фоизга камайганди.
Бундан ташқари, 2015 йилда озиқ-овқат ва кийим-кечак учун пули бор, бироқ маиший техника ва мебель олишда қийинчиликка учраётганлар сони 47 фоиздан 40 фоизга тушди. Буларнинг барига даромади етарли, бироқ автомобиль сотиб олишга пули етмайдиганлар сони 27 фоиздан 16 фоизга тушди.
Росстат маълумотларига кўра, 2015 йил январь—сентябрь ойлари давомида Россияда камбағаллар сони 20,3 миллион кишини ташкил этиб, бу кўрсаткич 2014 йилнинг шу давр ичидаги кўрсаткичидан 2,3 миллион кишига кўпайган.
Изоҳ (0)