O‘tgan tunda Amerikaning Texas shtatiga yopirilgan kuchli tornado oqibatida halok bo‘lganlar soni 11 kishiga yetdi. O‘nlab odamlar jabrlandi, deb xabar beradi “TASS”.
Eslatib o‘tamiz, oldinroq Texasda tornado oqibatida 6 kishi halok bo‘lgani xabar berilgandi.
Dallas okrugidagi Garlend shahri eng katta talofat ko‘rdi. Shahar politsiyasi vakilining ta’kidlashicha, 8 kishi halok bo‘lgan va 15 kishi jarohatlangan. 600 ga yaqin bino zarar ko‘rgan, ulardan ko‘pchiligi bir oilaga mo‘ljallangan uylardir.
Kollin okrugida uch kishi qurbon bo‘lgan. Rasmiylar qurbonlar sonini oshishi mumkinligini istisno qilmayapti.
Oldinroq Missisipi, Tennessi, Arkanzas va Alabama shtatlarida tornado va toshqin tufayli 18 kishi halok bo‘lgani xabar berilgandi.
Izoh (0)