Londonning “Chelsi” klubi sobiq bosh murabbiy Joze Mourinyo “Manchester Yunayted”ni boshqargudek bo‘lsa, uning maoshini bir qismini to‘lashga majbur bo‘ladi. Bu haqda “Korrespondent.net” xabar bermoqda.
Gap shundaki, Mourinyo “qizil iblislar” ustozi etib tayinlansa, 6 million funt sterling oladi, uning “Chelsi”dagi maoshi esa 10 million funt atrofida edi. London klubi bilan tuzilgan shartnomaga ko‘ra, portugaliyalik mutaxassis lavozimidan bo‘shatilib, boshqa jamoaga maoshi kamaygan holatda o‘tadigan bo‘lsa, “Chelsi” ish haqidagi farqni to‘lab berishi lozim.
Eslatib o‘tamiz, “Chelsi” 17-dekabr kuni Joze Mourinyo bilan shartnomani ikki tomon roziligiga ko‘ra bekor qilgandi.
Izoh (0)