Dubayda o‘zining ikkinchi yig‘inini o‘tkazayotgan O‘zbekiston olimpiya terma jamoasi yig‘in davomidagi ikkinchi nazorat uchrashuvida Suriya olimpiya terma jamoasidan 0:1 hisobida mag‘lub bo‘ldi. Bu haqda O‘zbekiston futbol federatsiyasi matbuot xizmati xabar berdi.
Suriya olimpiya terma jamoasiga qarshi kechgan uchrashuv teng kurash ostida o‘tdi. O‘yinning birinchi bo‘limida gollar kiritilmadi. Ikkinchi bo‘limning ilk daqiqasida esa Suriya olimpiyachilari penaltidan hisobni ochdi. Qolgan daqiqalarda darvozalarga boshqa to‘p kiritilmadi va uchrashuv Suriya olimpiya terma jamoasining g‘alabasi bilan yakunlandi.
Samvel Babayan bosh murabbiyligidagi terma jamoa endi 27-dekabr kuni Qatar olimpiya terma jamoasiga qarshi o‘ynaydi.
Eslatib o‘tamiz, O‘zbekiston olimpiya terma jamoasi yig‘in davomidagi ilk o‘rtoqlik uchrashuvini KXDR terma jamoasiga qarshi o‘tkazgan va 4:2 hisobida g‘alaba qozongandi.
Izoh (0)