Qatar Airways “Barselona” klubi o‘yinchilari Lionel Messi va Luis Suares ishtirokidagi reklama roligini taqdim etdi. Aviakompaniyaning YouTube’dagi rasmiy kanalida 20-dekabrda joylashtirgan rolik hozirgacha 500 ming martadan ziyod ko‘rildi. Rolikda, shuningdek, ispan klubining boshqa futbolchilari, jumladan, Neymar, Pike, Rakitich va Maskerano ham qatnashgan.
To‘rt daqiqali rolik avvalida stadiondagi sharhlovchilar xonasi namoyish etiladi. Xonada o‘tirganlar samolyotda uchish tartib-qoidalari haqida hikoya qiladi, bortda chekish man etilganini eslatadi va qutqaruv nimchasini to‘g‘ri kiyishni o‘rgatadi. Bu paytda o‘rindiqlardagi muxlislar va maydondagi futbolchilar sharhlovchilar ko‘rsatmasini bajaradi. Masalan, Suares maydonga qutqaruv nimchasida chiqib keladi, Pike esa favqulodda qo‘nish chog‘ida o‘zini tutish qoidalarini namoyish etadi.
20-dekabr kuni Qatar Airways’ning “Barselona” futbolchilari qatnashgan va samolyot bortidagi Wi-Fi xizmati haqida hikoya qilingan yana bir roligi ham joylashtirilgandi, biroq u shu kungacha 6 ming marta ko‘rildi, xolos.
[embed]https://youtu.be/WS2CQQfQzEM[/embed]
Izoh (0)