Rossiya Mudofaa vaziri Sergey Shoygu rus harbiylarining Suriyada quruqlikdagi operatsiyalarida ishtirok etish ehtimolini istisno qildi, deb xabar beradi “Gazeta.ru”.
Davlat dumasining mudofaa bo‘yicha qo‘mitasi rahbari Vladimir Komoyedovning ma’lum qilishicha, Shoygu bu haqda “hukumat soati”da aytib o‘tgan.
Eslatib o‘tamiz, Rossiya samolyotlari sentabr oxiridan beri Bashar Asad armiyasi bilan birgalikda Suriya hududidagi IShID marralariga zarba berib kelmoqda. Hozirga qadar Rossiya Harbiy-kosmik kuchlari Suriyada 4 mingdan ortiq harbiy parvozlarni amalga oshirdi va IShIDning 8 mingdan ziyod obyektini yo‘q qildi.
Izoh (0)