BMT Insoniyat taraqqiyoti haqidagi navbatdagi ma’ruzasi (Human Development Report)ni e’lon qildi.
Ma’ruza Insoniyat taraqqiyoti indeksi (Human Development Index)ni o‘z ichiga oladi, ushbu reytingda O‘zbekiston 114-o‘rinni egalladi.
Insoniyat taraqqiyoti indeksi har yili mamlakatlarni hayot darajasi, savodxonlik, ta’lim olganlik va hayot davomiyligi ko‘rsatkichlari bo‘yicha taqqoslash maqsadida tuziladi. Insoniyat taraqqiyoti indeksini tuzishda kutilayotgan umr uzoqligi (uzoq umr ko‘rish baholanadi); aholining savodxonlik darajasi (o‘qishga sarflangan yillarning o‘rtachasi) va ta’lim davomiyligi; hayot darajasi (yalpi milliy mahsulotning aholi jon boshiga nisbati orqali baholanadi) hisobga olinadi.
Ma’ruzaga ko‘ra, O‘zbekiston insoniyat taraqqiyoti o‘rta darajada bo‘lgan mamlakatlar guruhiga kirdi va 114-o‘rinni egalladi. Insoniyat taraqqiyoti indeksi 0,675 ni; hayot davomiyligi ko‘rsatkichi — 68,4 yosh; ta’lim olishga sarflangan o‘rtacha vaqt — 10,9 yil; kutilayotgan ta’lim davomiyligi — 11,5 yil; aholi jon boshiga yalpi milliy mahsulot — 5,567 dollarni tashkil etdi.
Izoh (0)