Oilaviy bayram va tantanalar birinchi galda xilma-xil taomlar, gazaklar va shirinliklar bilan chiroyli bezatilgan dasturxoni bilan yodda qoladi. Odatda, oilaviy bazmlardagi barcha yeguliklarni ikki urinishsiz tanovul qilib tugata olmaysiz, Yangi yil oqshomidagi dabdabali ziyofat esa butun tun davom etishi an’anaga aylanib ulgurgan. Ammo hamma ham turli taomlarni tayyorlash ko‘p kuch, vaqt va ba’zida asab talab qilishini o‘ylayvermaydi. Bayram dasturxoningizda ovqat mo‘l bo‘lishini va bunga plita oldida navbatchilik qilmasdan yetishishni istaysizmi? “Togora.uz” Siz uchun tayyor taomlarni yetkazib beradi!
“Togora.uz” — bu milliy va Yevropa taomlarini uyga bepul yetkazib berish xizmatiga ega birinchi internet-do‘kon. Milliy odatlarga ko‘ra, bayram stoli atrofida barcha qarindoshlar, do‘stlar va yaqin kishilar yig‘iladi. Ko‘p sonli mehmonlar uchun esa ko‘p miqdordagi taomlar kerak bo‘ladi. Ularni tayyorlash esa ko‘p vaqt va kuchni oladi. “Togora.uz” servisi uy bekalarining hayotini yengillashtirish uchun yaratilgan. Kompaniya saytida o‘zbek va Yevropa oshxonasi taomlarini tanlash mumkin va buyurtmangiz Sizning uyingizga kerakli vaqtda yetkazib beriladi. Buning ustiga o‘zingiz ham tatib ko‘rib, ham qo‘shningizni mehmon qilishingiz uchun taom, kichik porsiyalarda emas, kilogramm va tog‘oralarda beriladi. Somsa va manti kabi taomlarni esa 40/60/80 donadan buyurtma berish mumkin. Buyurtma bergach, uni qabul qilib olib, kimgadir qo‘shimcha ovqat yetmay qolishidan xavotirlanmasdan stol bezatishingiz mumkin.
Milliy oshxona bo‘limida palov, kabob, manti, xonim, somsa va boshqa shu kabi mashhur milliy taomlarning keng ro‘yxati taqdim etilgan. Yevropa oshxonasi bo‘limida esa Kiyevcha kotlet, tovuqli chipslar, karam do‘lma va boshqa bir qator mazali taomlarni tanlashingiz mumkin. Qandolatchilik mahsulotlari bo‘limidagi tanlovdan esa eng nozikta’b shirinlikxo‘rlarning ham “ko‘zi o‘ynab ketadi”.
“Togora.uz”dagi ovqatlar mazali bo‘lish bilan birga ishtahani ochar darajada bezatiladi. Buning uchun sinovdan o‘tgan yetkazib beruvchilarning eng sifatli mahsulotlari ishlatiladi. “Togora.uz” xodimlari ovqatni bezatish uchun idish-tovoqlar va dasturxonlarni tanlash bo‘yicha qo‘shimcha xizmat turini taklif etadi. “Idish-tovoqlar” bo‘limidan ziyofatingizga mos idishlarni tanlashingiz mumkin.
“Togora.uz”ning asosiy afzalliklaridan biri — bu bepul yetkazib berishdir, shu bilan birga narxlar va sifat uchun eng yaxshi nisbat taqdim etiladi. Buyurtma uchun to‘lovni o‘zingiz uchun qulay bo‘lgan har qanday ko‘rinishda bilan amalga oshirishingiz mumkin. To‘lovlar terminal (Duet, Visa, Online), Click tizimi va naqd pul bilan qabul qilinadi. Barchasi mijozlar uchun qulaylik yaratish uchun ishlab chiqilgan.
Yangi yil arafasida “Togora.uz” o‘z mijozlarini ko‘plab aksiyalar, sovg‘alar va bonuslar bilan xursand qilishni rejalashtirgan. Yangiliklarni “Togora.uz” sayti va Facebook ijtimoiy tarmog‘i orqali kuzatib boring.
Reklama huquqi asosida. Xizmatlar litsenziyalangan
Izoh (0)