БМТ Инсоният тараққиёти ҳақидаги навбатдаги маърузаси (Human Development Report)ни эълон қилди.
Маъруза Инсоният тараққиёти индекси (Human Development Index)ни ўз ичига олади, ушбу рейтингда Ўзбекистон 114-ўринни эгаллади.
Инсоният тараққиёти индекси ҳар йили мамлакатларни ҳаёт даражаси, саводхонлик, таълим олганлик ва ҳаёт давомийлиги кўрсаткичлари бўйича таққослаш мақсадида тузилади. Инсоният тараққиёти индексини тузишда кутилаётган умр узоқлиги (узоқ умр кўриш баҳоланади); аҳолининг саводхонлик даражаси (ўқишга сарфланган йилларнинг ўртачаси) ва таълим давомийлиги; ҳаёт даражаси (ялпи миллий маҳсулотнинг аҳоли жон бошига нисбати орқали баҳоланади) ҳисобга олинади.
Маърузага кўра, Ўзбекистон инсоният тараққиёти ўрта даражада бўлган мамлакатлар гуруҳига кирди ва 114-ўринни эгаллади. Инсоният тараққиёти индекси 0,675 ни; ҳаёт давомийлиги кўрсаткичи — 68,4 ёш; таълим олишга сарфланган ўртача вақт — 10,9 йил; кутилаётган таълим давомийлиги — 11,5 йил; аҳоли жон бошига ялпи миллий маҳсулот — 5,567 долларни ташкил этди.
Изоҳ (0)