Osiyo taraqqiyot banki direktorlar kengashi 9-dekabr kuni O‘zbekiston hukumatiga milliy avtomagistral qurilishi uchun 150 million dollar hajmida kredit taqdim etdi, deya xabar bermoqda UzDaily.
OTB krediti bankning odatiy resurslaridan berilgan. O‘zbekiston hukumati ham ushbu loyiha uchun 80 million dollar ajratadi.
OTB ma’lumotlariga ko‘ra, mablag‘ 87 kilometrlik A-380 (“Go‘zar—Buxoro—Nukus—Beynov”) avtoyo‘lining bir qismi (228—315 km)ni rekonstruksiya qilishga yo‘naltiriladi.
Bu OTBning milliy avtomagistral qurilishi uchun 500 million dollarlik multitransh moliyalashtirish dasturi doirasidagi uchinchi transhdir.
Izoh (0)