Qozog‘iston O‘zbekistonning eng yirik savdo sheriklari uchligidan o‘rin olishda davom etmoqda: joriy yil 9 oyi mobaynida ikki mamlakat o‘rtasidagi tovar aylanmasi 2,2 milliard dollarni tashkil etgan. Bu haqda Qozog‘iston mustaqilligining 24 yilligiga bag‘ishlab Toshkentda o‘tkazilgan tadbirda ushbu mamlakatning O‘zbekistondagi elchisi Bo‘riboy Jeksembin ma’lum qildi, deya xabar beradi “Gazeta.uz”.
“Ikki qo‘shni va birodar davlatlar o‘rtasidagi munosabatlar ko‘p tomonlama hamkorlikning barcha yo‘nalishlari, abadiy do‘stlik va strategik sheriklik to‘g‘risidagi shartnomaga binoan faqat mustahkamlanib borishiga ishonchim komil”, — deya ta’kidlagan elchi.
Jeksembin 2017—2018-yillarda BMT Xavfsizlik kengashining doimiy bo‘lmagan a’zoligiga Qozog‘iston nomzodini qo‘llab-quvvatlagani uchun O‘zbekistonga minnatdorchilik bildirdi.
Izoh (0)