OAV: italiyalik kishi Berluskonining villasi oldida o‘zini yoqib yuborishga harakat qildi

14-dekabr, dushanba kuni, Italiya sobiq bosh vaziri Silvio Berluskonining Milan yaqinidagi Arkore shahrida joylashgan shaxsiy villasi oldida yosh yigit o‘zini yoqib yuborishga harakat qildi. Bu haqda ANSA agentligi bergan ma’lumotlarga asosan, “TASS” xabar qilmoqda.

Ko‘chani kuzatib yurgan politsiyachilar olovni zudlik bilan bartaraf qilib, italiyalikning hayotini saqlab qoldi. U jiddiy bo‘lmagan jarohatlar bilan shifoxonaga yuborildi.

Yigit o‘zining harakatlariga tushuntirish bermadi. O‘z navbatida, Berluskoni ham bo‘lib o‘tgan hodisaga izoh bermadi.