Kambodjada alkogoldan zaharlanish tufayli bir oyda 19 kishi nobud bo‘ldi,172 kishi kasalxonaga yotqizildi

Kambodja shimoli-sharqidagi Kratex viloyatida oxirgi oy mobaynida sifatsiz alkogol iste’mol qilish tufayli kamida 19 kishi nobud bo‘ldi va 172 kishi kasalxonaga yotqizildi. Bu haqda mamlakat sog‘liqni saqlash vazirligiga tayanib, “TASS” xabar berdi.

Vazirlik ma’lumotiga ko‘ra, zaharlanganlarning barchasi guruchdan tayyorlangan aroq va xonaki o‘t damlamalarini iste’mol qilgan. Olingan alkogol namunalarida ko‘p miqdorda metanol mavjudligi aniqlangan. Shifokorlar aynan metanol zaharlanishga sabab bo‘lgan, deya hisoblamoqda.