Suriyalik muhojirlarni ortgan ilk samolyot Kanadaning Toronto shahriga yetib keldi. Bu haqda Associated Press bergan ma’lumotlarga asosan “RIA Novosti” xabar qiladi.
Agentlikning qayd etishicha, Kanadaga Suriyadan jami 163 nafar muhojir olib kelindi. Torontoda ularni mamlakat bosh vaziri Jastin Tryudo kutib oldi.
Shuningdek, suriyalik muhojirlarni ortgan yana bir samolyot Monreal shahriga 12-dekabr, shanba kuni yetib keladi.
Kanada hukumati 2015-yilning oxiriga qadar 10 ming nafar suriyalik muhojirni mamlakat hududida joylashtirmoqchi, yana 15 ming kishiga 2016-yilning fevral oyida boshpana beriladi.
Dekabr oyi boshida kanadalik rasmiylar ko‘chirish rejasiga asosan Kanadaga yuboriladigan Iordaniyadagi suriyalik fuqarolarni tekshirishni boshlagan.
Izoh (0)