Koreya Respublikasi va KXDR 11-dekabr kuni ikki tomonlama aloqalarni yaxshilash bo‘yicha muzokaralarni boshladi, deya xabar bermoqda “TASS”. Muzokaralar Keson shahrida bo‘lib o‘tmoqda.
Janubiy Koreya delegatsiyasiga birlashuv vaziri o‘rinbosari Xvan Bu Gi rahbarlik qilmoqda, KXDR tomonidan Koreyalarni tinchlik yo‘li bilan birlashtirish qo‘mitasi kotibligi vitse-direktori Chon Chjon Su vakillik qilmoqda.
“Hal qilish kerak bo‘lgan ko‘p savollar yig‘ilib qolgan. Ularni birma-bir yechish uchun bor imkoniyatni ishga solamiz”, — dedi Xvan Bu Gi Seulda uchrashuvga ketishdan oldin.
Muzokaralar kun tartibi haqida rasmiy axborot yo‘q, biroq mahalliy OAVlar yozishicha, u Kimgansandagi sayyohlik majmuasini qaytadan ishga tushirish, Seul tomonidan Pxenyanga nisbatan joriy etilgan sanksiyalarni bekor qilish, ajratilgan oilalarni doimiy ravishda uchrashtirib turish kabi masalalardan iborat bo‘lishi mumkin.
Izoh (0)